Azərbaycan Milli Bankı ötən ilin dekabr ayı ilə müqayisədə 2006-cı ilin noyabr ayında manatın nominal effektiv məzənnəsinin (NEM) Azərbaycanın ticarət tərəfdaşlarının valyutalarına nisbətən ucuzlaşdığını təsdiq edir. AMB-dən Trend ə verilən xəbərə görə, ümumi ticarət dövriyyəsində məzənnə 0,4%, ixracda - 1,3% azalıb, idxal isə 0,7% artıb. 2005-ci ilin analoji dövrü ilə müqayisədə NEM ümumi ticarət dövriyyəsində 0,5%, ixracda - 1,5% ucuzlaşıb, idxalda isə 0,6% bahalaşıb.
AMB-nin hesablamalarına görə, ötən ilin sonuna nisbətən noyabr ayında NEM qeyri-neft sektoru üzrə ümumi ticarətdə 1,6%, ixracda - 1,6%, idxalda - 1,5% bahalaşıb. 2005-ci ilin analoji dövrünə nisbətən məzənnə müvafiq olaraq 1,6%, 1,5% və 1,7% artıb.
2000-ci ilin dekabr ayı ilə müqayisədə 2006-cı ilin noyabrında manatın NEM-i xarici ticarətdə (neft sektorunu nəzərə almaqla) 9,2%, idxalda - 1,1%, ixracda - 15,4% aşağı düşüb. Qeyri-neft sektorunda manatın NEM-i müvafiq olaraq 4,7%, 3,4% və 12,3% artıb.