Birinci rübün sonuna qədər Bakı Beynəlxalq Dəniz Ticarəti Limanı bərə terminalının yenidən qurulmasının ilk mərhələsini başa çatdırmaq niyyətindədir. Bu barədə Trend ə cümə axşamı Bakı limanından bildiriblər. Hazırda "Azərkörpü" Azərbaycan şirkəti liman infrastrukturunun yenidən qurulmasının ilkin mərhələsini başa çatdırır.
Şirkət bərələrdən boşaldılan və yüklənilən yüklər üçün vaqonlar ötürülən körpünü yenidən qurur. Bu məqsədin icrası üçün Bakı limanı 3,21 mln. dollar vəsait ayıırıb və bu vəsait Bakı limanının özü tərəfindən təqdim edilib.
Birinci mərhələ bitdikdən sonra yenidənqurma işlərinin ikinci mərhələsinin başlanması nəzərdə tutulur. Bu mərhələdə vaqonların yüklənib-boşaldılması üçün ikinci körpünün tikintisi nəzərdə tutulur. Bərə terminalının yenidən qurulması TRACECA nəqliyyat dəhlizi çərçivəsində yük daşımalarının artması səbəbindən vacibdir. Yenidənqurma işləri nəticəsində gücü ildə 8 mln. tona qədər artacaq.
Gələcəkdə (yenidənqurmanın ikinci mərhələsindən sonra) həmçinin bərə terminalının sahil qurğularının da yenidən qurulması nəzərdə tutulur. Bunun üçün təxminən 2 mln. dollar tələb olunur. Lakin bu layihənin realizəsi limanın maliyyə imkanlarından asılı olacaq.
