Beynəlxalq Maliyyə Korporasiyası (BMK) Mərkəzi Asiyada və Azərbaycanda mənzil maliyyələşməsi sahəsində BMK-in texniki yardım layihəsinin ikinci fazasında rəhbər vəzifəsinə namizədlərin seçiminə başlayıb.
Layihənin maliyyə analitiki Azər Əliyevin cümə günü Trend ə verdiyi xəbərə görə, layihənin ikinci fazasında fəaliyyətin əsas cəhəti bölgə hesabatlarında təqdim olunan ayrı-ayrı tövsiyyələrin həyata keçirilməsinə texniki yardım olunması olacaq.
A. Əliyevin sözlərinə görə, qüvvələrin əsas hissəsi təşkilatın texnologiya prosesinin bütün mərhələlərində, qeydiyyat, mənzil ipoteka kreditlərinin verilməsi, həmçinin bununla bağlı olan və ipoteka sənayesi ilkin bazarında ümumi standartların formalaşma perspektivi olan sənəd dövriyyəsində maraqlı olan bank partnyorların intitutsional bazasının formalaşması və möhkəmlənməsinə yönəldiləcək.
Eyni zamanda daha mühüm hüquqi normativ məsələlərin və effektiv funksional ipoteka sənayesini (məsələn daşınmaz əmlakın müstəqil qiymətləndirilməsi xidmətləri, rieltor və sığorta xidmətləri və s.) təmin edən baza infrastrukturlarının formalaşması problemlərinin ayrılması, onların həlli üçün texniki yardım göstərilməsi planlaşdırılır.
Beş ölkəni əhatə edən (Qırğızıstan, Qazaxıstan, Özbəkistan, Tacikistan və Azərbaycan) ipoteka kreditlərinin verilməsi sahəsinin inkişafı üzrə texniki yardım proqramının ilk fəaliyyət fazasının bitməsilə, BMK "mənzil ipoteka kreditləri verilməsi ilkin bazarının analizi" bölgə hesabatını hazırlayıb. O, dövlət və özəl sektoru əhatə edib.
Proqram İsveçrənin iqtisadi münasibətlər üzrə Dövlət Katibliyi tərəfindən maliyyələşdirilir və BMK tərəfindən idarə olunan "özəl sektorun inkişafında əməkdaşlıq" proqramı çərçivəsində həyata keçirilir. Bu proqrama BMK ipoteka bazarının inkişafı üçün əlverişli şərtlərin yaradılması və orta, aşağı gəlirli əhaliyə ipoteka kreditlərinin verilməsinin genişləndirilməsi məqsədilə təşəbbüs göstərib.
