Azərbaycan,Bakı/müxbir Trend S.Babayeva/Azərbaycan Hesablama Palatasının (HP) sədr müavini Abbas Allahverdiyevin rəhbərlik etdiyi Azərbaycan nümayəndə heyəti Qazaxıstanın respublika büdcəsinə nəzarət üzrə hesablama komitəsinin və Rusiyanın Hesablama Palatasının nümayəndələrinin iştirakı ilə Xəzər dənizi bioresurslarının auditi üzrə iclasda iştirak edəcək. Bu barədə HP mətbuat xidmətindən məlumat verilib.
Martın 12-də Aktauda keçiriləcək iclasda Xəzər dənizinin su bioloji resurslarının effektiv istifadəsi üzrə paralel yoxlamanın, həmçinin nərə balıq növlərinin mühafizəsi, qorunması, bərpası və rasional istifadəsi proqramına istiqamətləndirilmiş büdcə vəsaitlərinin yekunları aparılacaq.
Bu yoxlama Qazaxıstan, Azərbaycan və Rusiya Federasiyası arasında imzalanmış üçtərəfdi müqavilə çərçivəsində aparılıb. Bundan başqa, kollegiyada Xəzər dənizinin bioloji resurslarının mənimsənilməsi, qorunması və təkrar istehsalı problemlərinə baxılacaq, karbohidrat xammal ehtiyatlarının işlənməsinin Xəzər dənizinin bioloji resurslarının qorunmasına təsiri qiymətləndiriləcək.
İştirakçılar tərəfindən Xəzər dənizi bioresurslarının ekologiya problemləri və bioresursların mühafizəsinin dövlət tərəfindən tənzimlənməsi tədbirləri təklif olunacaq.
Birgə kollegiyada Qazaxıstanın respublika büdcəsinə nəzarət üzrə hesablama komitəsi və Rusiya və Azərbaycan Hesablama Palataları bu dövlətlərin hökumətlərinə təqdim olunacaq paralel yoxlama nəticələrinə aid olan yekun sənəd imzalayacaq.
