Azərbaycan,Bakı/müxbir Trend S.Babayeva/Azərbaycan Hesablama Palatasının (HP) sədr müavini Abbas Allahverdiyevin rəhbərliyi altında Azərbaycan nümayəndə heyəti Qazaxıstanın respublika büdcəsinin yerinə yetirilməsinə nəzarət üzrə hesablama komitəsi və Rusiyanın Hesablama Palatasının nümayəndələrinin iştirakı ilə Xəzər dənizinin bioresurslarının auditi üzrə birgə iclasda iştirak edir. Bu barədə bu gün Azərbaycan HP-dən məlumat verilib.
İclas Aktauda martın 12-də işə başlayır. İclasda Xəzər dənizinin su bioloji resurslarının istifadə effektliyinin paralel yoxlanması, həmçinin nərə balıq növlərinin mühafiəzsi, qorunması, bərpa olunması və rasional istifadəsi proqramının həyata keçirilməsi üçün istiqamətləndirimiş büdcə vəsaitlərinin yekunları aparılacaq.
Bu yoxlama Qazaxıstan, Azərbaycan və RF arasında imzalanmış üçtərəfli müqavilə çərçivəsində həyata keçirilib. Bununla yanaşı, kollegiyada Xəzər dənizinin bioloji resurslarının qorunması və təkrar istehsalı problemlərinə baxılacaq, karbohidrat yataqlarının işlənməsinin bioloji resurslara təsirinə qiymət veriləcək. İştirakçılar tərəfindən Xəzər dənizi bioresurslarının ekologiya və mühafizə problemlərinin dövlət tərəfindən həll olunması ilə bağlı tədbirlər təklif olunacaq.
Birgə iclasda Qazaxıstanın respublika büdcəsinin yerinə yetirilməsinə nəzarət üzrə hesablama komitəsi və Rusiya və Azərbaycanın Hesablama Palataları bu dövlətlərin rəhbərliyinə təqdim olunacaq paralel yoxlamanın nəticələrinə aid yekun sənədi imzalayacaq.
İclasda İranın Ali Audit Məhkəməsinin prezidenti Məhəmməd Riza Rəhimi də iştirak edir.
