Azərbaycan, Bakı/ Trend müxbir İ.X / Hökumətdən verilən məlumata görə, Azərbaycanın Nazirlər Kabineti İslam İnkişaf Bankı ilə yeni əməkdaşlıq planı üzərində işləri başa çatdırıb. Proqrama ümumi qiyməti 250 mln. dollar dəyərləndirilən 12 layihə daxildir.
Proqram 2007-09-cu illəri əhatə edir. Hər il üçün 3-4 layihə həyata keçirilməsi nəzərdə tutulur. Seçilmiş layihələr yol tikintisi, energetika, meliorasiya, kiçik şəhərlərin su təchizatının yaxşılaşdırılması və səhiyyə sahələrini əhatə edir.
İslam bankının əvvəlki şərtləri saxlanılıb və ölkə hər il bir güzəştli, iki kommersiya və bir-iki qrant ala bilər. Bununla əlaqədar olaraq, bu meyarlara cavab verən layihələr seçilib. Azərbaycanın iqtisadi inkişaf tempi ilə əlaqədar olaraq güzəştli layihələr məsələsinə daha az yer ayrılır.
İİB və AR arasında olan proqrama hər il yenidən baxılır, eyni zamanda ölkəyə prioritetlərini müəyyənləşdiriərək dəyişikliklər etmək hüququ verilir. Yeni proqram hazırlanır ki, bu da İİB ilə razılaşdılrıldıqdan sonra işlərə başlanılacaq. Konkret layihələr üzrə texniki-iqtisadi əsaslandırılma tələb olunarsa qiymətlindirilmə üçün bankın mütəxəssislərindən ibarət missiya səfər edəcək.
İndiyə qədər bankın Azərbaycanda maliyyələşdirdiyi layihələrdən ancaq dördü 61 mln. dollar dəyərində kommersiya şərtləri ilə olub. Onlar Ələt-Qazıməmməd avtoyolunun çəkilişi, Mingəçevir elektrik stansiyası, Ucar-Yevlax yolu və Xaçmaz yarımstansiyası layihələrinin həyata keçirilməsinə yönəldilib.
