Azərbaycan,Bakı/müxbir Trend İ.Xəlilova/ Azərbaycanın Tarif Şurası dəmir yolu vasitəsilə daşınmaların tarifləri üzrə təklifləri nəzərdən keçirməyə davam edir. Bu barədə çərşənbə günü nəqliyyat nazirinin müavini Musa Pənahov məlumat verib. Onun sözlərinə görə, tranzit tarifləri çox güman ki, qaldırılmayacaq, lakin ixracat tariflərinin nəzərdən keçirilməsi Tarif Şurasının qərarından asılı olacaq.
Keçən ilin yanvarında dizel yanacağı və mazut olan tariflərin artmasından sonra ADDY artıq dəmir yolu daşınmalarının tariflərinin artılırması ilə bağlı təkliflərlə çıxış edib, lakin bu məsələ Tarif Şurası tərəfindən müsbət həllini tapmayıb.
8 yanvar 2007-ci il tarixli növbəti qiymət artımından sonra bu məsələ ADDY üçün yenidən aktual olub. Şuranın qərarına əsasən, A-95 markalı avtomobil benzinin qiyməti 60 qəpiyədək artıb, A-92 və A-80 55 qəpik, dizel yanacağı 45 qəpik təşkil edib. 1kvt/saat elektrik enerjisinin qiyməti 6 qəpiyədək artıb.
