Azərbaycan, Bakı/ Trend / Qiymətli Kağızlar üzrə Dövlət Komitəsi tərəfindən QSC "Bank Standard" KB-nin faizsiz sənədsiz adlı istiqrazların emissiya prospekti qeydə alınıb. Bu barədə Bakı Fond Birjasının məlumatında göstərilib.
Emissiyanın həcmi 2 mln. AZN, bir istiqrazın nominal dəyəri 100 AZN, dövriyyə müddəti isə 1 ildir.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjası vasitəsi ilə keçiriləcək. İstiqrazların yerləşdirilməsində anderrayter vəzifəsində isə "Standard Kapital" MMC çıxış edəcək.