Azərbaycan, Bakı / Trend / Birləşmiş Ərəb Əmirliklərinin (BƏƏ) dövlət sektorunun inkişafı naziri Sultan bin Sayed əl-Mansuri ilə Azərbaycanın nəqliyyat naziri Ziya Məmmədov ikitərəfli ticarət-nəqliyyat əlaqələrinin yaradılmasına dair beynəlxalq nəqliyyat sazişi imzalayıblar.
"Azərbaycan - Rusiya, Qazaxıstan, Çin, İranın şimal hissəsi və Şərqi Türkiyəyə çıxış üçün vacib nəqliyyat dəhlizi rolunda çıxış edir. Biz ikitərəfli əlaqələrin inkişafı üçün yetərli potensial görürük " - deyə BƏƏ naziri deyib.
Onun sözlərinə görə, ölkəsi Azərbaycanla hava limanları, yük terminalları, dəniz limanları, avtomobil yolları və digər nəqliyyat infrastrukturunun inkişafında əməkdaşlıq etmək niyyətindədir.