Azərbaycan, Bakı/ Trend müxbir İ.Xəlilova/ Azərbaycan Milli Bankı ölkənin bank sektorunda "Bazel- 2" standartlarının tətbiqi mexanizmini müəyyən edib. Bu barədə AMB-dən məlumat verilib. Milli bank tərəfindən bank sistemində yeni standartların təsiri ilə bağlı aparılan araşdırmadan sonra mövcud 3 elementdən ikinci və üçüncü elementin tətbiq olunmasına başlamaq barədə qərar qəbul olunub.
Birinci element kapital üzrə razılaşma, ikinci element cari nəzarət tələblərini, üçüncü element isə bazar intizamını tələb edir. "İkinci və üçüncü elementlərin tətbiqi ilə əlaqədar bizim tədqiqatlarımız var və normativ bazada dəyişikliklər edilməsi, banklara qarşı yeni tələblərin müəyyən olunması təklif olunur",-deyə Milli Bankdan bildirilib. Birinci element üzrə isə bankların qiymətləndirilməsi davam edir, burada yalnız bank sektoru deyil, ümumilikdə iqtisadiyyatın hazır olması məsələsi böyük əhəmiyyətə malikdir və bunun üçün yalnız AMB-nin iştirakı tələb olunmur. "Bazel- 2" standartlarına keçidin tarixi AMB tərəfindən tam müəyyən olunmayıb. Keçid prosesinin çətinliyi ilə əlaqədar olaraq, hətta ABŞ-da da bu, 2007-ci ildən 2009-a qədər təxirə salınıb. AMB-də hesab edirlər ki, 2007-ci ilin sonuna Azərbaycan ikinci və üçüncü elementləri tətbiq edə biər.
İkinci elementin tətbiqi ilə bağlı AMB kapitalın idarəolunması siyasəti üzrə tələbləri müəyyən edib. Amma normativlər dəyişdirilmir. Hətta "Bazel-2"-yə keçdikdə belə normativlər saxlanılacaq, amma kapitalın ölçülməsinə tələblər saxlanılacaq.
"Bazel- 2" standartı risklərin qiymətləndirilməsinin xüsusi və kapitalın hesablanmasının daha inkişaf etmiş üsuludur. Aİ və iri ölkələr hər il bu standarta keçidi təxirə salır. Belə ki, onlar bu standarta qəfildən keçdikdə maliyyə xidmətlərinin azalacağından ehtiyat edirlər. Bu da iqtisadi inkişafı ləngidə bilər.