Azərbaycan,Bakı/müxbir Trend İ.Xəlilova, E.Hüseynli/ Azərbaycanın Milli Bankı (AMB) ölkədə ipoteka kreditləşməsinin maliyyələşdirilməsi ilə bağlı vəziyyətin öyrənilməsinə başlayıb. Cümə axşamı AMB-nin İdarə Heyətinin rəhbəri Elman Rüstəmovun bildirdiyinə görə, maliyyə resurslarının defisiti yaranacağı təqdirdə büdcə vəsaitlərilə yanaşı büdcədənkənar əlavə vəsaitlər də cəlb oluna bilər.
Milli Bank artıq ilkin proqnozları qiymətləndirib. AMB yanında Azərbaycanın İpoteka Fondunun (AİF) hesablamalarına əsasən, 2010-cu ilə qədər dövr ərzində 6 mindən 10 minədək ailəni ipoteka krediti ilə təmin etmək üçün alınan mənzildən asılı olaraq 200 milyondan 250 milyon manatədək vəsait tələb oluna bilər.
Hazırda AİF büdcə vəsaitləri hesabına ipoteka kreditləri verir. 2005-2007-ci illər üçün dövlət büdcəsinə ipoteka üçün 46 mln. manat qoyulub, bu gün bu məbləğdən ipoteka kreditləşməsinə 36 mln. manatdan çox məbləğ verilib.
