Azərbaycan,Bakı/müxbir Trend İ.Xəlilova/ Azərbaycan İxrac və İnvestisiyaların Təşviqi Fondunun (AZPROMO) Müşahidəçilər Şurasının ikinci iclası 26 may 2007-ci ildə keçiriləcək. Bu barədə çərşənbə axşamı AZPROMO-nun prezidenti Emil Məcidov məlumat verib.
İclas daha geniş tərkibdə keçəcək. İclasın keçirilməsinin vacibliyi vəziyyətlə əlaqədar bu il üçün nəzərdə tutulan tədbirlər planına düzəlişlərin edilməsi ilə bağlıdır.
"Əməkdaşlarımızın təşəbbüsünə əsasən biz biznes-forum, konfranslar və təqdimatlar, sərgilər, nəşrlər və marketinq araşdırmaları üzrə bir neçə təqvim hazırlamışıq. Ötən dörd aya nəzər salanda görünür ki, fəaliyyət planının yeni istiqamətlərinin yaranması ilə əlaqədar kiçik dəyişikliklərin edilməsinə ehtiyacı var" - deyə Məcidov bildirib.
Bu təqvimlər Müşahidəçilər Şurasının müzakirəsinə təqdim olunacaq.
2007-ci ilin sonuna qədər 7-8 marketinq araşdırması, 60 ticarət missiyası və konfransları, 10 sərgi və 10 nəşrin həyata keçirilməsi planlaşdırılır.
Müşahidəçilər Şurasında həmçinin Himayəçilər Şurasının iyunun ortalarına nəzərdə tutulan növbəti iclasının keçirilmə müddəti dəqiqləşdiriləcək. Müşahidəçilər Şurası Himayəçilər Şurasına üzvlüklə bağlı ərizələri nəzərdən keçirəcək. Məcidovun fikrincə, bu gün üzvlüyə daxil olmaq istəyən strukturların sayı 5-6-dır, lakin onların siyahısı genişlənə bilər.
Fevralda Himayəçilər Şurasının qərarı ilə onun tərkibinə 18 yeni üzv qəbul olunub. Buna qədər Himayəçilər Şurasına 74 üzv daxil idi, bunun da 50-sini şirkət və holdinqlər təşkil edir. Onların ümumilikdə sayı 92-dir.