Azərbaycan, Bakı /müx. Trend Ü.İsmayılova/ Cümə axşamı şirkətin idarə heyətinin sədri Qəmbər Suvanverdiyev bildirib ki, "Azer-Assiya" Azərbaycan -İran birgə sığorta şirkəti İran investorlarının 49%-lik iştirakının 20%-ni satır. Suvanverdiyevin sözlərinə görə, şirkətə əlavə investorun cəlb olunması ilə bağlı qərar təsisçilərin 30 mayda baş tutan iclaı zamanı qəbul olunub.
Səhmlərin satılması ilə bağlı danışıqların birinci mərhələsi artıq baş tutub, lakin yeni investor tərəflərin marağına uyğun olaraq açıqlanmır. İdərə heyətinin sədri qeyd etdi ki, belə qərar şirkətin formasının QSC-dən ASC-yə keçməsi ilə əlaqədardır.
May ayında keçirilən iclasda həmçinin şirkətin nizamnamə kapitalı ( 714 min dolardan 770 min dollara çatdırılıb) və nizamnaməsi nəzərdən keçirilib.
"Azer-Assiya"-nın idərə heyətinin sədri Qəmbər Suvanverdiyev seçilib. "Asiya Sıgorta" (49%) İran şirkəti və dövlət sığorta kommersiya şirkəti olan "AzerSıgorta"(51%) tərəfindən yaradılan "Azer-Asiya" 1997-ci ildən fəaliyyət göstərir. Şirkətin ümumi kapitalı 2 mln. dollar təşkil edir. Şirkət dördünün məcburi olduğu 30 növ sığorta xidməti göstərir.
