Azərbaycan, Bakı, /müx. Trend S.Babayeva/ Azərbaycan Kənd Təsərrüfatı Nazirliyinin kənd təsərrüfatı kreditləri ilə bağlı Dövlət Agentliyi kreditləşmədə iştirak etməkdə maraqlı olan bank və qeyri-bank təşkilatlarını əməkdaşlıq etməyə çağırıb.
Agentlik səlahiyyətli kredit təşkilatlarının köməyilə aqrar sahədə sahibkarlıqla məşğul olan fiziki və hüquqi şəxslərə güzəştli kreditlər verəcək. Maraqlı təşkilatlar agentliyə müraciət edə bilərlər.
Dövlət Agentliyi kreditlərin verilməsinə iyul ayından başlayacaq. Azərbaycan Nazirlər Kabinetinin qərarına əsasən, kreditlər aşağıdakı istiqamətdə istifadə oluna bilər:
- kənd təsərrüfatı məhsullarının istehsalı və emalı
- suvarılan torpaqların meliorasiyasının yaxşılaşdırılması
- irriqasiya avadanlığı ilə təmin olunma
- ərzaq məhsulları sektorunun müasirləşdirilməsi və inkişafı
- kənd təsərrüfatı texnikasının və kimyəvi maddələrin alınması
- Kənd Təsərrüfatı Nazirliyinin pilot layihələri
- maldarlıq sahəsində süni mayallanmanın tətbiqi
Mikrokreditlər 2 il müddətinə min manat olmaqla, kiçik kreditlər 1-20 min manat, orta kreditlər 20-50 min manat olmaqla 3 il müddətinə, böyük kreditlər 50-200 min manat olmaqla 5 il müddətinə verilir.