Azərbaycan, Bakı/ Trend müxbir İ.Xəlilova/ Bu gün Bakıda birinci Azərbaycan-Kanada işgüzar görüşü keçirilib. Bu barədə çərşənbə günü Azərbaycanda ixracın və investisyaların Təşviqi Fondundan (AZPROMO) məlumat verilib. Azərbaycanın Kanadadakı səfirliyinin yardımı ilə kənd təsərrüfatı sahəsində ixtisaslaşmış beş Kanada şirkəti nümayəndələrinin Bakıya səfəri təşkil olunub.
Azərbaycan tərəfdən görüşdə 10 şirkətin nümayəndələri iştirak edib. Hər iki tərəfdən göstərilmiş marağa baxmayaraq heç bir müqavilə imzalanmayıb. Azərbaycan və Kanada şirkətləri aqrar sektorda əməkdaşlığın perspektivli olduğunu qeyd ediblər.