Gürcüstan,Tbilisi/müx. Trend N.Kirtsxalia/ Bu gün Monakoda Gürcüstanın investisiya imkanları təqdim olunacaq. Gürcüstan baş nazirinin aparatından verilən məlumata görə, bu Monakoda keçirilən 18-ci "Krans Montana" forum-sammiti çərçivəsində baş tutacaq.
Gürcüstanın baş naziri Zurab Noqaideli biznes-forum çərçivəsində iştirakçılara biznes- nahar verəcək və bu nahar zamanı Gürcüstanın investisiya imkanları təqdim olunacaq.
Qonaqlar Gürcüstan və onun imkanları ilə tanış olacaq, eyni zamanda Gürcüstan arağının təqdimatı keçiriləcək.
Noqaideli iyunun 28-dən Monakoda "Krans Montana" forum-sammitində iştirak edir.
O, bu tədbirə fəxri qonaq kimi dəvət olunub. İyunun 29-da baş nazir biznes-forumun plenar iclasında "Avropa Birliyini necə idarə etmək" mövzusunda çıxış edib.