Azərbaycan, Bakı / Trend , müxbir Ü.İsmayılova/ Azərbaycanın aparıcı şirkətlərindən biri olan "Unileasing" sentyabr ayından ölkədə ilk dəfə olaraq SMS Leasing xidmətləri göstərməyə başlayacaq. Bu məlumat cümə günü şirkətdən daxil olmuşdur.
Yeni xidmət növü müştərilərə mobil telefon vasitəsilə şirkətin saytına daxil olaraq lizinq predmeti seçmək imkanı verir. SMS Leasing-in növlərinlən biri də müştəriyə lizinq predmetini hesablamağa imkan verən mobil kalkulyator olacaq.
Şirkət Azərbaycanın iri mobil operatorlarından bir olan "Azərcell"ə əməkdaşlıq edir.
"Unileasing" Azərbaycanın lizinq bazarında 2004-cü ildən fəaliyyət göstərir.
Şirkət tikinti texnikasını, avtomobilləri, tibbi avadanlığı, daşınmaz əmlakı icarəyə verir.
