...

Azərbaycan Milli Bankı Mərkəzi Kredit Reyestrində kreditlərə olan məhdudiyyətləri ləğv edib

Biznes və iqtisadiyyat xəbərləri Materials 7 Sentyabr 2007 11:21 (UTC +04:00)

Trend-i buradan izləyin

Azərbaycan, Bakı / Trend , müxbir İ.Xəlilova / Azərbaycan Milli Bankının (AMB) Statistika və Araşdırmalar Departamentinin direktoru Emin Hüseynovun verdiyi məlumata görə, AMB Mərkəzi Kredit Reyestrində banklar tərəfindən kreditlərə qoyulan məhdudiyyətləri ləğv edib.

Ədliyyə Nazirliyi Mərkəzi Kredit Reyestrinə dair qaydalara düzəlişləri təsdiq etdkdən sonra fiziki şəxslərə min manat, hüquqi şəxslərə 5 min manatdan az olmaqla verilən kreditlər mərkəzi kredit reyestrinə daxil ediləcək.

"Bu, mərkəzi kredit reyestrində bütün kredit götürən şəxslərin kredit tarixlərini yerləşdirməyə imkan verəcək" - deyə Hüseynov bildirib. Onun fikrincə, bu, ölkədə mikrokreditlərin inkişafı ilə bağlıdır, mikrokreditlər isə istehlakçı kreditləşməsindən və eyni zamanada min manatdan az olur.

Bundan əlavə, ilin sonuna qədər AMB posessinqin müddətini qısaltmaq və kredit reyestrində bürokratiyanın qarşısını almaq məqsədilə kredit reyestrini təkmilləşdirməyi planlaşdırır. Mərkəzi Kredit Reyestrində avtomatizasiyasının həyata keçirilməsi reyestrdən elektron rejimdə istifadə etməyə imkan verəcək.

Mərkəzi Kredit Reyestri 2005-ci ilin mart ayında Dünya Bankının "Azərbaycanın maliyyə sektoruna texniki dəstək" layihəsi çərçivəsində yaradılıb. Kredit reyestri bankların kredit risklərinin idarə edilməsi alətlərindən biridir.

Xəbər lenti

Xəbər lenti