...

Fevralda Azərbaycan və İran yeni sərhəd elektrik stansiyasının tikintisi ilə bağlı məsələni həll edəcək

Energetika Materials 6 Noyabr 2007 14:49 (UTC +04:00)

Azərbaycan, Bakı / Trend müxbir S.Əliyev/ Çərşənbə axşamı "Azərenerji" SC-dən verilən məlumatda bildirilir ki, səhmdar cəmiyyət Naxçıvan Muxtar Respublikasının Ordubad rayonunda İranla birgə inşa ediləcək sərhəd elektrik stansiyasının tikintisi ilə bağlı texniki-iqtisadi əsaslandırmanın (TİƏ) hazırlanması prosesinə başlayıb.

"TİƏ-nin hazırlanması gələn ilin fevral ayında başa çatacaq ki, yalnız bundan sonra İran tərəfi ilə həlledici danışıqlar aparılacaq" - deyə "Azərenerji"dən bildiriblər.

Layihə Naxçıvan MR-in Ordubad rayonunda Araz çayı üzərində iki elektrik stansiyasının (biri Azərbaycan, digəri İran tərəfində) tikintisini nəzərdə tutur.

Azərbaycan 35 MVt gücündə elektrik stansiyası tikmək niyyətindədir. Əvvəllər Azərbaycan 45 MVt gücündə stansiyanın tikintisini nəzərdə tutub, lakin İran tərəfi buna nail ola bilməyib. "Azərenerji"dən verilən məlumata görə, stansiyanın Azərbaycan ərazisindəki yekun gücü TİƏ-nin hazırlanmasından sonra müəyyən olunacaq.

Çayın su resurslarından paritet əsasda istifadə olunacaq. Stansiya derivasion tipli olacaq, yəni stansiya çayın qollarında yerləşəcək. Su anbarının tikintisi planlaşdırılmır, belə ki, su başqa bir məqsədlə istifadə olunmayacaq, birbaşa çaya buraxılacaq.

Xəbər lenti

Xəbər lenti