Azərbaycan, Bakı / Trend / 2007-ci ilin noyabr ayında "Azerenerji" SC-də 1,9 mlrd. kVt/saata yaxın elektrik enerjisi istehsal olunub. Bu barədə SC-nin mətbuat xidmətindən məlumat verilib.
Ümumi həcmin 1,7 mlrd. kVt/saatı istilik elektrik stansiyalarının, 0,2 mlrd. kVt/saatı hidroelektrik stansiyalarının payına düşüb.
Ay ərzində qonşu ölkələrlə - Rusiya, İran və Gürcüstanla enerji mübadiləsi davam etdirilib. 2007-ci ilin on bir ayı ərzində, milli enerji sistemində 19,2 mlrd. kVt/saatdan çox elektrik enerjisi istehsal olunub. Bu həcmin 17,0 mlrd. kVt/saatdan çox hissəsi istilik stansiyalarının, 2,2 mlrd. kVt/saatdan çoxu hidrostansiyalarının payına düşüb.
