Azərbaycan, Bakı, 17 yanvar/ Trend , müxbir S.Əliyev/ Timan Oil and Gas PLS və Azərbaycanın Dövlət Neft Şirkəti (ARDNŞ) özüqalxan "Xəzər" qazma qurğusunda avadanlığın müasirləşdirilməsi üzrə ilkin razılığa gəliblər. Timan şirkəti bu qazma qurğusunu Xəzərdə qazma işlərində istifadə etmək niyyətindədir. Bu barədə cümə axşamı ARDNŞ-dəki mənbə məlumat verib.
Timan Oil-in nümayəndələri qurğuya Bakıda qurşadırılacaq lazımi avadanlığın qiymətləndirilməsini aparmalıdırlar. ARDNŞ-dən bundan sonra onun istifadəsi haqqında müqavilə imzalanacağını bildiriblər.
Azərbaycan Dövlət Neft Şirkəti qurğunu "Geotermneftqaz" şirkətinə təqdim edəcək. Bu şirkətin səhmlərinin 80%-i Timan Oil and Gas PLS-ə məxsusdur. Qurğu Xəzərin Rusiya hissəsində, "İzerbaş" müqavilə sahəsindəki 2 saylı blokda kəşfiyyat qazması üçün lazımdır.
Timan Oil and Gas PLS müstəqil neft-qaz kəşfiyyat və hasilat şirkətidir. Şirkətin əsas aktivləri Xəzər hövzəsinin Timano-Peçorsk regionundadır. Timan bu regionda iki yatağın -Nijneçutinskoe və Xudaelskoe yataqlarının operatorudur. Şirkətin "Geotermneftqaz" şirkətində iştirak vasitəsilə Xəzər regionunda iki dəniz strukturunun - Dağıstan yaxınlığındakı İzerbaşın və Sulakın işlənilməsinə lisenziyası var.
