İkinci rübdə neftin "WTI" növünün qiyməti $90-dan aşağı düşəcək – Amerika eksperti
Azərbaycan, Bakı, 01 fevral / Trend , müxbir A.Bədəlova / ABŞ Federal Ehtiyat Sisteminin (FES) bu yaxınlarda faiz dərəcəsini 0,75 faiz bəndə endirməsi neft bazarında vəziyyətin sabitləşməsinə kömək etməyib. İştirakçılar hələ də ABŞ iqtisadiyyatının resessiyası ehtimalından narahatdırlar. ABŞ iqtisadiyyatının resessiyası, öz növbəsində, neftə olan tələbatı aşağı salacaq.
"2008-cı ildə ABŞ-ın iqtisadi inkişafı 1,6 faiz təşkil edəcək. 2007-ci ildə bu göstərici 2,1 faiz olub", - cümə günü ABŞ-ın Energetika Nazirliyinin tərkibinə daxil olan Energetika İnformasiya Administrasiyasının (EIA) eksperti Conatan Koqan (Jonathan Cogan) Trend a bildirib.
EİA-nın proqnozuna görə, 2009-cu ildə və 2008-ci ilin çox hissəsində dünya neft bazarında neftin qiymətində enmə müşahidə olunacaq. Koqanın sözlərinə görə, Amerika neftinin "WTI" növünün qiyməti 2008-ci ilin ikinci yarısından enməyə başlayacaq.
"2008-ci ilin birinci rübü ərzində "WTI"nin qiyməti ,orta hesabla, bir bareli $92,33 təşkil edəcək. İkinci rübdə neftin qiyməti $89-dək enəcək", - o deyib,
Yanvarın 23-dən ilk dəfə neftin qiyməti enib. Amerika yüngül neftinin mart füçersi 69 faiz enərək bir barel $91,06 olub. Neftin "Brent" növünün qiyməti 68 faiz enərək, bir bareli $91,53 olub.
