Azərbaycan, Bakı, 07 fevral / Trend , müxbir İ.Xəlilova / Azərbaycan İqtisadi İnkişaf Nazirliyi (İİN) Ələt qəsəbəsində (Bakı yaxınlığında) özəl istilik eletkrik stansiyasının tikintisi üzrə Cənubi Koreyanın "Kepko" şirkətinin təkliflərinin qiymətləndirilməsində məsləhət xidməti üçün "BNP Paribas" konsorsiumu; "Allen & Overy"; "MGB"; "Mott MacDonald" və "McGregory" hüquqi şirkətini cəlb edib - İİN-in İnvestisiya və texniki xidmət koordinasiyası üzrə şöbə müdiri Əsgər Ələkbərov deyib.
Onların hazırlanması üçün "Kepko" həmçinin öz məsləhətçilərini - "HSBC" bankı və "Baker & McKenzy" hüquqi şirkətini cəlb edib.
Ələkbərovun sözlərinə görə, gələn həftə Bakıda hər iki tərəfin məsləhətçilərinin iştirakıyla "Kepko" ekspertləri ilə görüş keçiriləcək.
Təkliflərdə layihənin investisiya şərtləri qeyd olunub. Şirkət stansiyanı $720 mln.-a tikməyi təklif edir və bu təxminən 818 MVt istehsal etmək gücündədir. Stansiya təbii qazla işləyəcək.
"Stansiyanın tikinti və idarə müddəti şirkət tərəfindən 25 ilə təklif olunub, bu da dünya təcrübəsində normaldır" - şöbə müdiri deyib.
"Danışıqlar həm "Azərenerji"nin istehsal etdiyi elektrik enerjisinin gələcək ötürülməsi istiqamətində, həm də təqdim olunacaq yanacağın tarifi üzrə davam edir. Elektrik stansiyasından verilən enerjinin tarifi bundan asılı olacaq" - Ələkbərov qeyd edib.
Bunanla yanaşı, "Kepko" hazırda ölkədə təyin olunmuş tarifdən artıq təqdim etmir.
"Kepko"nun təklifi Azərbaycan tərəfindən qəbul edilərsə, elektrik stansiyası 1-3,5 il ərzində tikiləcək.
Bu, Azərbaycanda bu cür böyük həcmli ilk özəl elektrik stansiya olacaq.