...

Yunanıstanın inkişaf naziri Azərbaycan qazının alınması ilə bağlı Bakıda müzakirələr aparacaq

Energetika Materials 5 Mart 2008 19:34 (UTC +04:00)

Azərbaycan, Bakı, 05 mart / Trend , müxbir A.Bədəlova/ Yunanıstanın inkişaf naziri Xristos Folias martın ortalarında Bakıda "Şahdəniz" yatağından Azərbaycan qazının alınması məsələsini müzakirə edəcək. Həmin yatağın operatoru Norveçin "Statoil Hydro" şirkətidir.

Yunanıstan İnkişaf Nazirliyinin mətbuat xidmətinin əməkdaşı Peqqi Papakosta çərşənbə günü Trend a bildirib ki, Folias martın 17-18-nə nəzərdə tutulan səfəri çərçivəsində, Türkiyənin ərazisi ilə Yunanıstana və İtaliyaya nəql ediləcək Azərbaycan qazının tədarükü məsələsini müzakirə edəcək.

"Nazir Azərbaycanda ticarət və bizneslə bağlı məsələləri dəmüzakirə edəcək" - Papakosta deyib.

2007-ci ildə Azərbaycanın İqtisadi İnkişaf Nazirliyi və Yunanıstanın İnkişaf Nazirliyi Bakıda qaz əməkdaşlığına dair Memorandum imzalayıblar. 2012-ci ildə İtaliya, Yunanıstan və Türkiyəni birləşdirəcək ITGI qaz kəməri ilə Avropa ölkələri ildə təxminən 8 mlrd. kub metr Azərbaycan qazı əldə edəcəklər.

Türkiyə və Yunanıstan arasında qaz kəməri sahəsinin tikintisinə noyabr ayında başlanılıb.

Müəlliflə əlaqə ünvanı: [email protected]

Xəbər lenti

Xəbər lenti