2008-2009-cu illərdə dünyanın neftə olan tələbatı gündə 1,3 barel artacaq - EİA

Azərbaycan, Bakı, 13 mart / Trend , müxbir A.Bədəlova/ ABŞ-ın Dövlət Energetika İnformasiyaları İdarəsinin (EIA) porqnozlarına görə, 2008-2009-cu illərdə neftə olan dünya tələbatı gündə 1,3 mln.barel artacaq.

EİA-dan Trend a verilən məlumata görə, İqtisadi Əməkdaşlıq və İnkişaf Təşkilatına (İƏİT) daxil olmayan ölkələr 2008-ci ildə dünyanın neft olan tələbatının gündə 1,1 mln. barelini ödəyəcək. İƏİT ölkələrində neftə tələbatın 2007-ci ildə gündə 0,2 mln. barel azalmasına qarşı 2008-ci ildə gündə 0,2 mln. bareldən artıq olacaq.

EIA-nın proqnozlarına görə, 2008-ci ildə OREK-ə daxil olmayan ölkələrin neft tədarükü gündə 0,7 mln. barel təşkil edəcək. 2008-ci ildə OPEK-ə daxil olmayan Braziliyanın payına tədarükün təxminən yarısı düşəcək. EİA-nın proqnozuna görə, həmçinin Azərbaycan, Sudan və Rusiyanın neft tədarükü yüksək nöqtəyə çatacaq. Eyni zamanda, Böyük Britaniya, Meksika və Norveçin tədarükündə enmələr müşahidə olunacaq.

2008-ci ilin birinci rübündə OPEK ölkələrinin neft hasilatı orta hesabla gündə 32,2 mln. barel təşkil edəcək. Yüksək hasilat Səudiyyə Ərəbistanı, Anqola və BƏƏ ölkələrində müşahidə olunacaq. OPEK-in neft hasilatı 2008-ci ildə gündə 1,2 mln. barel və 2009-cu ildə gündə 0,8 mln.barel artacaq.