Azərbaycan, Bakı, 02 aprel / Trend , müxbir S.Əliyev/ Azərbaycan bu aydan İrana elektrik enerjisi üzrə borcunu qaytarmağa başlayacaq. Bu barədə çərşənbə günü "Azərenerji" Səhmdar Cəmiyyətinin vitse-prezidenti Marlen Əsgərov məlumat verib. Borca görə, qalan həcm 200 mln. kVt/saatdan çox təşkil edir.
İrandan Azərbaycana elektrik enerjisi hesabına, Naxçıvan Muxtar Respublikasının (NAR) enerji təminatı həyata keçirilir. Azərbaycan İrandan elektrik enerjisini qış dövründə enerji çatışmazlığı yarananda alır və yayda - İranda defisit müşahidə olunanda qaytarır.
İran tərəfi NAR-a elektrik enerjisi tədarük edərkən itki ilə üzləşir və buna görə elektirik enerjisi 11 faiz artıq olmaqla qaytarılır.