Azərbaycan, Bakı, 19 aprel / Trend / Azərbaycan Dövlət Neft Şirkətinin (ARDNŞ) "Neftqaztikinti" Tresti "Qum adası" Neft-Qaz Hasilatı İdarəsi ilə Nargin adasını birləşdirən sualtı boru kəmərinin üçüncü xəttində qaynaq işlərini başa çatdırıb. Bu barədə ARDNŞ-ın şənbə günü yayılan məlumatında bildirilir. Qaz kəməri üç xəttdən ibarətdir, hər bir xəttin uzunluğu 2 500 metrdir. Boru kəməri Nargin adasının qaz və su ilə təchiz edilməsi proqramı çərçivəsində tikilir.
Boru kmərinin tikintisi "Neftqaztikinti"nin Hövsan tikinti sahəsində aparılır. Boru kəmərinin birinci xətti suya martda buraxılıb, bu günlərdə isə "Kür", "Qaradağ-4" və "Mikayıl Əliyev" yedəklərinin kömkliyi ilə 2 339 metr uzunluğunda olan ikinci xətt də layhə yerinə çatdırılıb.
ARDNŞ yanvar ayında Nargin adasında 17 km-lik su kəmərninni tikintisi başa çatdırılıb.
