Azərbaycan, Bakı, 02 iyun/ Trend / Azərbaycanın Dövlət Neft Şirkəti (ARDNŞ) və Türkiyənin Tekfen Holding şirkəti Niyyət Memorandumu imzalayıblar. Memorandum ARDNŞ-ın Türkiyənin tikinti holdinqində iştirak payı almaq arzusunu əks etdirir. Bu barədə bazar ertəsi ARDNŞ-dan məlumat veriblər.
Azərbaycanın Dövlət Neft Şirkəti Tekfen Holding-in tərkibinə daxil olan "Tekfen Inshaat" tikinti şirkətində səhmlərin 50 faizini almaq niyyətindədir.
ARDNŞ Türkiyədə özünün iri infrastruktur layihələrinin reallaşdırılması üçün bu ölkədə tikinti şirkətinin alınmasını planlaşdırır. Bu ARDNŞ-ın Ceyhanda tikməyi planlaşdırdığı iri neft emalı zavodunun tikintisinə dair məsələyə aiddir.
Tekfen Holding-in direktorlar şurasının rəhbəri Erhan Önər bildirib ki, şirkət Ceyanda neft emalı zavodunun tikintisində iştirak şərtləri əsasında investor-təsisçi olmağı planlaşdırır.
Bundan əlavə, ARDNŞ-ın iştirak etdiyi şirkətlər alyansı Türkiyənin iri neft kimya holdinqi Petkim-in səhmlərinin 51 faizini alıb. Tikinti şirkəti bu layihədə də iştirak edə bilər.
ARDNŞ və Tekfen Azərbaycanda artqı əməkdaşlıq edirlər. Şirkətlər Azfen BM-i yaradıblar. Azfen BM BP-nin operatoru olduğu "Azəri-Çıraq-Günəşli" yatağının tammiqyaslı işlənilməsi çərçivəsində layihələrin reallaşdırılmasında iştirak edir. Bu platforma tikintisi və Səngəçal terminalının genişləndirilməsinə aiddir.
