Azərbaycan, Bakı, 11 iyun / Trend , müxbir S.Əliyev/ Bu ayın sonunadək "AzeriFugro" şirkəti yeni platformanın tikintisi üzrə "Azəri" yatağında geotexniki tədqiqatların aparılmasına başlayacaq. Bu barədə çərşənbə günü layihəyə yaxın mənbədən bildiriblər.
Geotexnikanın "Azəri" yatağının qərb hissəsinə aparılması planlaşdırılır. 70 metrdən 150 metrədək dörd quyunun qazılması nəzərdə tutulub. İşlər "Azərbaycan" kran gəmisi ilə həyata keçiriləcək.
BP-nin operator olduğu "Azəri-Çıraq-Günəşli" yatağında yeni platformaların quraşdırılması "Balaxanı lay dəstəsi"nin işlənməsi üçün lazımdır. Hazırda Azərbaycan Dövlət Neft Şirəkti ilə BP arasında bu məsələ üzrə danışıqlar davam etdirilir. Mənbənin bildirdiyinə görə, tikintiyə yalnız danışıqların başa çatmasndan sonra başlana bilər.
"Balaxanı lay dəstəsi"nin işlənməsi üçün iki yeni platformanın tikilməsi lazımdır. Onlardan biri "Çıraq" yatağı və "Günəşli"nin dərin sulu hissəsini əhatə etmək, ikincisi isə, "Azəri" yatağının qərbi, şərqi və mərkəzi hissələrini əhatə etmək üçün lazımdır.
BP şirkəti yeni laylardan neft hasilatı hesabına "Azəri-Çıraq-Günəşli" yatağının tam miqyaslı işlənmə layihəsinin genişləndirilməsi üçün yeni platformaların tikintisini həyata keçirmək niyyətindədir. Bu, təxminən 350 mln. barel neft həcmi ehtiyyatlarının yerləşdiyi "Balaxanı lay dəstəsi"nə aiddir.
Şirkət yeni laylardan əlavə neft hasilatı hesabına hasilatı mümkün qədər yüksək səviyyədə saxlamaq niyyətindədir. Qiymətləndirməyə görə, 2013-cü ildə "Çıraq"da platformanın tikintisi üzrə işlərin başa çatdırılması neft hasilatını sutkada 100 min barel həcmində təmin edilməsinə və stabil hasilat dövrünün bir ilədək uzadılmasına imkan verəcək. 2015-ci ildə "Azəri"də platforma tikintisindən də analoji nəticə gözlənilir.
Məqalə müəllifi ilə əlaqə ünvan: seymur
