Azərbaycan, Bakı, 09 iyul / Trend / Azərbaycanın Sənaye və Energetika Nazirliyi yanında Dövlət Qaz Nəzarəti İdarəsi tərəfindən aparılan yoxlamalar zamanı Azərbaycanın üç bölgəsində yerləşən qazdoldurma stansiyalarında qanun pozuntusu faktları aşkar olunub. Bu barədə nazirliyin çərşənbə günü yayılan məlumatında bildrilir.
Sabirabad rayonunda lisenziyasız fəaliyyət göstərən qazdoldurma stansiyası aşkar olunub. Qanun pozuntuları Quba və Saatlıda yerləşən digər stansiyalarda da aşkar olunub.
Bu stansiyaların işi layihələrə uyğun olmayıb, qazın bir hissəsinin satışı sayğacsız həyata keçirilib, istifadə olunan sayğaclar isə, növbəti dövlət yoxlamasından keçməyib və ya dövlət qeydiyyatına salınmayıb.
Yoxlamalar nəticəsində idarə əməkdaşları tərəfindən stansiya sahiblərinə çatışmazlıqların aradan qaldırılmasıilə bağlı tələb və göstəriş verilib.
