Azərbaycan, Bakı, 16 iyun/ Trend / 2008-ci ilin birinci yarımilində Azərbaycanda 24,2 mln. ton neft və kondensat hasil edilib ki, bu da 2007-ci ilin analoji dövr göstəricisindən 14 faiz çoxdur. Bu barədə Azərbaycan Dövlət Statistika Komitəsindən məlumat veriblər.
Yanvar-iyunda neft hasilatının əsas həcmi "Azəri-Çıraq-Günəşli" dəniz yataqları blokundan 20,5 mln. ton neft hasil edən Azərbaycan Beynəlxalq Əməliyyat Şirkətinin payına düşür.
Yanvar-iyunda Azərbaycanda qaz hasilatı 11,8 mlrd. təşkil edib. Bu, 2007-ci ilin birinci yarım ilinə aid göstəricidən 69,6 faiz çoxdur. Azərbaycan Beynəlxalq Əməliyyat Şirkətinin payına təqribən 4,2 mlrd. kubmetr qaz düşüb.
Yanvar-iyunda Azərbaycanda 10,5 mlrd. kVt/s elektrik enerjisi istehsal edilib ki, bu da 2007-ci ilin birinci yarısında istehsal edilən elektrik enerjisindən 3,3 faiz azdır.