Azərbaycan, Bakı, 28 iyul/ Trend , müxbir V.Şərifov, S.Əliyev/ Azərbaycanın Dövlət Neft Şirkəti (ARDNŞ) və Anshad Petrol birgə müəssisəsi (BM) üzrə əcnəbi tərəfdaşlar BM ilə sazişin PSA tipli müqaviləyə keçirilməsi məsələsinə dair danışıqlara başlamaq niyyətindədirlər. Bu barədə bazar ertəsi ARDNŞ-dən məlumat veriblər.
Anshad Petrol yanvar-may ərzində təqribən 85 min ton neft və təqribən 14 mln. kubmetr qaz hasil edib.
Anshad Petrol "Neftçala", "Xilə" və "Babazənən" müqavilə sahəsində quyulardan qaz hasil edir.
Anshad Petrol BM 1993-cü ildə, keçmiş "Neftçalaneft" NQÇİ-nin əsasında ARDNŞ və Türkiyənin Atilla Dogan Petrol şirkəti tərəfindən yaradılıb. 1994 -19960 - cı illərdə Anshad Petrol BM-in operatoru Atilla Dogan Petrol olub, lakin ARDNŞ 1997-ci ildən bu funksiyanı öz üzərinə götürüb. 1995 - ci ildə Malayziyanın Land and General Berhad şirkəti Atilla Dogan Petrol-dan 17,15 faiz pay alaraq layihənin iştirakçısı olub.
Hazırda BM- də iştirak payı aşağıdakı kimidir - Azərbaycanın Dövlət Neft Şirkəti - 51 faiz, Rusneft Neftchala Investment Limited - 31,85 faiz və Malayziyanın Land and General Berhad şirkəti- 17,15 faiz.