Azərbaycan, Bakı, 31 iyul/ Trend / "Ekol Mühəndislik Xidmətləri" QSC Azərbaycan Dövlət Neft Şirkətinin müəssisələri üçün normativ-texniki ekoloji sənədlərin hazırlanmasına dair 14 müqavilə imzalayıb. Bu barədə QSC-nin məlumatında bildirilir.
Dövlət Neft Şirkəti ilə imzalanan (Azərbaycan Ekologiya Nazirliyi ilə razılaşdırmadan sonra) müqavilə çərçivəsində "Ekol" dörd müqavilə üzrə sənədlərin hazırlanmasını başa çatdırıb və onları sifarişçiyə təqdim edib. Daha üç müqavilə başa çatmaq üzrədir.
Abşeron yarımadasında mövcud ekoloji problemlərin həlli üçün 2006-cı il martın 1-də yaradılan "Ekol Mühəndislik Xidmətləri" QSC-nin təsisçiləri ARDNŞ (51 faiz) və Lancer S.A. Services (49 faiz) şirkətidir.
