Azərbaycan, Bakı, 31 iyul / Trend , müxbir A.Bədəlova/ Neft qiymətləri qeyri -sabit dinamikasını davam etdirir. Çərşənbə günü keçirilən sövdələşmələrin yekunları üzrə Nyu-York birjasında Amerika yüngül neftinin sentyabr fyuçersləri 4,58 dollar artaraq, 1 barel üçün 126,77 dollara çatıb. London birjasında Brent neftinin sentyabr sazişləri 4,39 dollar artaraq, 1 barel üçün 127,1 dollara çatıb. Bu, son altı gündə ən yüksək qiymət səviyyəsidir.
Qiymətlərin müsbət dinamikasına bir neçə amil təsir göstərib. Birincisi, bu, ABŞ-in Energetika Nazirliyi tərəfindən açıqlanmış hesabatdır və bu hesabata əsasən, ölkənin benzin ehtiyatları ötən həftə 3,5 mln. barel azalıb. Qiymətlərin qalxmasına təsir göstərən digər amil İranın dini lideri Ayətulla Əli Xameneyinin qoyulan müddətin başa çatması ərəfəsində verdiyi bəyanat olub. Bu müddət ərzində İran nüvə proqramı və ölkənin onu inkişaf etdirmək niyyəti barədə dünya dövlətlərinə cavab verməlidir.
Analitiklərin rəyinə görə, yaxın vaxtlarda neft qiymətlərnin artım tendensiyası olduğu kimi qalacaq.
Amerikanın "Heritage" Tədqiqatlar İnstitutunun enerji iqtisadiyyatı və mühitin dəyişdirilməsi üzrə böyük analitiki Devid Kreytzerin (David Kreutzer) rəyinə görə, İrana hücum neft qiymətlərinin əhəmiyyətli dərəcədə artamasına gətirib çıxaracaq.
Kreytzerin cümə axşamı elektron poçt ilə Trend a verdiyi məlumata görə, neft qiymətlərini qabaqcadan xəbər vermək çətindir.
"Ötən il qiymətlərin bir barel üçün 140 dollara gəlib çatacağını təxmin etmək mümkün deyildi", - deyə o yazır.
Onun rəyinə görə, qiymətlərin kəskin artması bir sıra regionlara tədarükün dayandırılmasına gətirib çıxara bilər.
"Əhəmiyyətli dərəcədə siyasi nizamsızlıq və neft hasilatında hər hansı bir pozuntunun olmayacağı təqdirdə, yaxın vaxtlarda neft qiymətlərinin bir barel üçün 500 dollara çata biləcəyi ağlabatan deyil", - deyə o yazıb.
İranın OPEK-dəki nümayəndəsi Məhəmməd Əli Xətibi bu yaxınlarda bəyan edib ki, İranda siyasi vəziyyətin gərginləşəcəyi və dolların ucuzlaşacağı təqdirdə, neftin qiyməti bir barel üçün 500 dollara çata bilər.
Kreytzerin sözlərinə görə, bu gün son illərlə müqayisədə qazma işləri çoxdur, lakin eyni zamanda, bir sıra ölkələrin iqtisadiyyatı çətin dövr yaşayır".
Onun rəyinə görə, belə uyğunluq yaxın bir neçə ildə qiymətlərin aşağı düşməsinə gətirib çıxara bilər.
EIA-nın proqnozlarına müvafiq olaraq, 2009- cu ildə WTI markalı neftin orta qiyməti bir barel üçün 132,75 dollar təşkil edəcək.
EIA-nın analitiki Neil Qamsonun (Neil Gamson) sözlərinə görə, neftin yüksək qiymətləri (bir barelə görə 145 dollar səviyyəsində) 2008 -ci ilin dördüncü rübündə də müşahidə olunacaq.
"2030 - cu ilədək dünya üzrə neft qiymətlərinin orta illik artımı, proqnozlara əsasən 2,5 faiz təşkil edəcək" - deyə elektron poçt ilə Trend a Qamson bildirib.
Məqalə müəllifi ilə əlaqə ünvanı: Capital
