Azərbayacn, Bakı, 01 avqust/ Trend , müxbir E.İsmayılov/ Azərbaycan Dövlət Neft Şirkətinin (ARDNŞ) Heydər Əliyev adına dərin özüllər zavodu N.Nərimanov adına Neft-Qaz Çıxarma Idarəsi üçün yeni beşbloklu platformanın tikintisini başa çatdırıb, - cümə günü zavoddan bildiriblər.
Yeni platformanın üç bloku zavodda, ikisi ARDNŞ-nin Zığdakı tikinti-montaj sahəsində hazırlanıb.
"Biz Idarə üçün platformanın hazırlanmasını başa çatdırmışıq. Blokun üçü bizim zavodda, ikisi Zığ sahəsində hazırlanıb" - zavoddan deyiblər.
Yeni platformanın hündürlüyü 43 metr təşkil edir. Onun suyun 33 metr dərinliyində quraşdırılması planlaşdırılıb. Platformada iki quyunun qazılması nəzərdə tutulub, - zavoddan bildiriblər.
