Qazaxıstan, Astana, 11 avqust/ Trend , müxbir K.Konırova/Rompetrol-un tərkibinə daxil olan neft emalı zavodlarının modernləşdirilməsi üçün zəruri olan sərmayələrin ümumi həcmi $327мln. təşkil edir, - "KazMunayQaz"Milli Şirkətindən bildiriblər.
"Avro - 5 neft məhsullarının alınması üçün yeni sutəmizləyici qurğuların tikintisinə $327 mln. lazımdır. Bu məbləğ "KazMunayQaz"-ın Rompetrol-un aldığı səhmlərin məbləğinə daxildir", - agentliyin həmsöhbəti deyib.
Xəbər verildiyi kimi, "KazMunayQaz" Rompetrol-un səhmlərini $1,6 milyarda alıb. Mənbənin verdiyi məlumata əsasən, hazırda rumın konserninin tərkibinə daxil olan iki NEZ görüləsi işlərin 85%-nə malikdir və Rumıniyadakı pərakəndə bazarın 25 faizinə nəzarət edir.
"Bu yaxşı göstəricidir. Hazırda bu NEZ-lər Avro - 4 standatrlı benzin buraxırlar. Ötən ildən bəri, Rumıniyanın Avropa İttifaqına daxil olmasını nəzərə alaraq, Aİ ölkələrinin Avro - 5 benzinin buraxılış standartı üzrə götürdüyü öhdəliklər, eynilə Rumıniyanın da üzərinə düşür", - milli şirkətin nümayəndəsi deyib.
Onun sözlərinə görə, Rompetrol-un iki NEZ-i hələlik Avro - 5 standartı üzrə benzinin istehsalına keçməyə hazır deyil. Bunun üçün onların modernləşdirilməsi lazımdır. Həmsöhbətin proqnozlarına əsasən, modernləşmə yalnız 2010-cu ilin sonunda başa çata bilər.
"Bu istiqamətdə işlər artıq başlayıb və layihələşdirmə işləri görülür. Bu müddət ərzində Avro - 4 benzininin Rompetrol-un pərakəndə şəbəkəsi vasitəsilə digər ölkələrdə realizəsini nəzərdə tutan strategiya işlənib hazırlanıb", - "KazMunayQaz"-ın nümayəndəsi qeyd edib.
Onun sözlərinə görə, Rompetrol-un Gürcüstanda və qonşu Bolqarstanda NEZ-i var. Onlar digər Şərqi Avropa ölkələrində Avro - 5 benzinin buraxılışına möhlət alıblar.
"Modernləşdirmə başa çatanadək, biz bu ölkələrdə neft məhsulları ilə alver edə bilərik", - həmsöhbət qeyd edib.