Azərbaycan, Bakı, 11 sentyabr / Trend , müxbir E.İsmayılov/ Gürcüstandakı vəziyyət Azərbaycan Dövlət Neft Şirkətinin (ARDNŞ) Heydər Əliyev adına Bakı Neft Emalı Zavodunda (BNEZ) istehsal olunan və ixrac üçün nəzərdə tutulan (xüsusilə də Gürcüstana) neft məhsullarının yığılıb qalmasına gətirib çıxarıb. Bu barədə cümə axşamı BNEZ-dən bildiriblər. Bu dövr ərzində neft məhsullarının daşınması 60-70 faiz azalıb.
"Yaranan vəziyyət neft məhsullarının yığılıb qalmasına gətirib çıxarıb, bu dövr ərzində daşınma 60-70 faiz azalıb", - deyə BNEZ-dən bildiriblər.
Lakin hazırda vəziyyət normallaşıb.
Bu il zavodda 5 mln. ton nefti nemalı nəzərdə tutulub. Zavoda neft şəxsi vəsaitləri hesabına yataqlardan xammal hasil edən ARDNŞ tərəfindən tədarük olunur.
"Zavodda aylıq neft emalı planı təqribən 410 min ton təşkil edir", - deyə BNEZ-dən bildiriblər.
Cari ilin yanvar-avqust aylarında BNEZ-də 3,1 mln. tondan çox neft emal olunub. Bu dövr ərzində Azərbaycandan ümumilikdə 1,5 mln. ton neft məhsulları ixrac olunub.
Məqalə müəllifi ilə əlaqə ünvanı - [email protected]
