...

Avropanın enerji üzrə komissarı üçüncü Enerji sammitinə hazırlıq məsələlərini Bakıda müzakirə edəcək

Energetika Materials 18 Sentyabr 2008 17:42

Trend-i buradan izləyin

Azərbaycan, Bakı, 18 sentyabr/ Trend , müxbir R.Novruzov/ Avropa İttifaqının enerji məsələləri üzrə komissarı Andris Piebalqs Bakıda noyabrın 27- də Brüsseldə keçirilməsi planlaşdırılan üçüncü Enerji sammitinə hazırlıq məsələlərini müzakirə edəcək. Bu barədə cümə axşamı Trend -a Avropa Komissiyasından məlumat veriblər.

Energetika nazirlərinin sammiti noyabrın 27-nə nəzərdə tutulub, noyabrın 28 - də isə, Brüsseldə geniş formatda görüş keçiriləcək. Avropa komissarı Azərbaycanın rəsmi şəxsləri ilə Brüssel sammitinin yekun sənədinin qəbulu məsələsini müzakirə edəcək.

Tərəflər sammitdə enerji ehtiyatlarının tədarük mənbələri və tranzit yollarının diversifikasiyası, eləcə də enerji ehtiyatlarının rəqabət qabiliyyətinin artırılması imkanlarını nəzərdən keçirmək niyyətindədirlər

Ötən sammit cari ilin may ayında Kiyevdə keçirilib. İlk görüş 2007- ci ildə Krakovda (Polşa) baş tutub.

Latviya, Litva, Ukrayna və Estoniya prezidentələrinin üçüncü Energetika sammitində iştirak edəcəyi təsdiq olunub.

Məqalə müəllifi ilə əlaqə ünvanı - [email protected]

Xəbər lenti

Xəbər lenti