Azərbaycan, Bakı, 13 noyabr/ Trend , müxbir A.Bədəlova/ ABŞ - ın Dövlət Enerji İnformasiyası İdarəsinin (EİA) məlumatına əsasən, 2009 -cu ildə OPEK ölkələrinin neft tədarükünün ümumi həcmi 2008 - ci ildə sutkada 36,91 mln. barelə qarşı 36,52 mln. barel təşkil edəcək.
EİA-nın proqnozlarına görə, 2008 -ci ildə kartelə daxil olmayan ölkələrdə neft tədarüklərinin həcmi 280 min barel - sutkada 48,71 mln. barelədək azalacaq. 2009 - cu ildə bu ölkələrdə neft tədarükü 500 min barel - sutkada 49,2 mln. barelədək artacaq. Tədarüklərin artımı ABŞ, Azərbaycan və Braziliyanın hesabına müşahidə ediləcək.
EİA 2009-cu ildə ABŞ-da neft hasilatının sutkada 450 min barel - 2008-ci ildə sutkada 8,55 mln. barelə qarşı 9 mln. barelədək artacağını proqnozlaşdırır.
Keçmiş Sovet İttifaqı və Şərqi Avropa ölkələrinin neft tədarüklərinin həcmi sutkada 0,25 mln. barel - 2008-ci ildə sutkada 12,83 mln. barelə qarşı 13,08 mln. barelədək artacaq.
EİA - nın proqnozlarına əsasən, 2008-ci ildə Azərbaycandan neft tədarüklərinin həcmi 2007-ci ilin sutkada 0,85 mln. barelinə qarşı 0,96 mln. barel təşkil edəcək. 2009- cu ildə ölkə tədarükləri 0,26 mln. barel - 1,22 mln. barelədək artıracaq.
2009 - cu ildə Qazaxıstandan neft tədarüklərinin həcmi 2008-ci ildə sutkada 1,42 mln. barelə qarşı 1,51 mln. barel təşkil edəcək. 2009 -cu ildə Türkmənistan neft tədarükünü cüzi artıracaq - 2008 - ci ildə sutkada 0,19 mln. barelə qarşı 0,2 mln. barel.
Müəlliflə əlaqə saxlamaq üçün elektron ünvan: с[email protected]
