Qazaxıstan, Astana, 09 dekabr/ Trend , müxbir K.Konırova/ Qazaxıstanın "Tengiz" yatağından neftin nəqlinin dəstəklənməsi üçün "TengizŞevroyl" konsorsiumuna təxminən 24 min sistern tələb olunur. "İlk Yük Şirkəti" ASC -nin Baş direktoru Salman Babayevin Astanda Trend -ın xüsusi müxbirinə verdiyi xəbərə görə, şirkət "TengizŞevroyl"la neftin daşınması üçün 5 min vaqonun təqdim edilməsi barədə razılığa gəlib.
"Bizim Tengiz neftinin daşınması üçün qatarlarla təminatla bağlı problemimiz yoxdur. Kəsir yoxdur. Gələcəkdə nə qədər istəsələr [vaqon], o qədər də təqdim edəcəyik [TengizŞevroyla]", - Babayev, neftin "Tengiz"dən Azərbaycan istiqamətində nəqlinin başlaması ilə əlaqədar mümkün sistern çatışmazlığı barədə şərh edərək bildirib.
Babayev dəqiqləşdirib ki, "İlk Yük Şirkəti" Tengiz neftinin dəmir yolu ilə daşınması üzrə "TengizŞevroyl"un yeganə tərəfdaşı deyil.
Noyabrda "TengizŞevroyl"un operatoru olan Amerikanın "ChevronTexaco" şirkəti Qazaxıstanın "Tengiz" yatağından Bakı-Tbilisi-Ceyhan (BTC) boru kəməri ilə 70 min tona yaxın neft nəql edib. Noyabrda "TengizŞevroyl" həmçinin neftin dəmir yolu ilə Gürcüstanın limanlarına (Kulevi və Batumi) nəqlinə başlayıb.
BTC neft kəmərinin ümumi uzunluğu 1768 kilometrdir. Bunun 443 km Azərabaycan, 249 km Gürcüstan, 1076 km Türkiyə ərazisindən keçir. Boru kəmərinin tikintisi 2003-cü ildə, onun neftlə doldurulması isə 2005-ci il mayın 18-də başlayıb.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz ); Statoil (8,71 faiz ); TRAO (6,53 faiz ); Eni (5 faiz ); Total (5 faiz ); Itochu (3,40 faiz ); Inpex (2,50 faiz ); ConocoPhillips (2,50 faiz ) və Amerada Hess (2,36 faiz ).
Gürcüstanın Kulevidəki neft terminalının sahibi Azərbaycanın Dövlət Neft Şirkəti, Batumi neft terminalının sahibi isə "KazMunayqaz" şirkətidir.
Müəlliflə əlaqə saxlamaq üçün elektron ünvan: [email protected]