Azərbaycan, Bakı, 17 dekabr/ Trend / Azerkimya Dövlət Şirkəti yanvar - noyabr ərzində kimya məhsullarının bütün növləri üzrə 2007-ci ilin yanvar-noyabr aylarının istehsal göstəricilərini əhəmiyyətli dərəcədə qabaqlayır.
Azərbaycan Dövlət Statistika Komitəsindən verilən məlumata görə, ötən ilin analoji dövr göstəricisinə nisbətdə, propilen istehsalı 34,1 faiz, polietilen 40,4 faiz, xlor okisidi 60 faiz artıb. Digər sahələr üzrə artım belədir:azot istehsalı -71 faiz, kaustik soda -36,6 faiz, lak-boya məmulatları -53,1 faiz, izopropil spirti - 35,3 faiz.
2008 - ci il ərzində əsas kimya məhsulları növlərinin istehsalı:
| Məhsul | 2008 - ci ilin yanvar-noyabrında istehsal min ton ilə | 2007- ci ilin yanvar-noyabrına nisbətdə, %-lə |
| Azot (mln.kub.m.) | 15 | 171 |
| Kaustk soda (min.t) | 20,1 | 136,6 |
| Propilen (min.t) | 31,1 | 134,1 |
| Polietilen (min.t) | 57,3 | 140,4 |
| İzopropil spirt (min.t) | 19,8 | 135,3 |
| Lak - boya məmulatları (mln. t) | 2,4 | 153,1 |
| Xlor oksidi (min.t) | 3,2 | 160 |
