Azərbaycan, Bakı, 31 yanvar/ Trend / 2008 - ci ildə SOCAR şirkətinin (Azərbaycan Dövlət Neft Şirkəti) "Bibiheybətneft" Neft - Qaz Çıxarma İdarəsi (NQÇİ) "Bibiheybət" yatağından proqnozlaşdırılan 110,5 min tona nisbətdə təqribən 127,3 min ton neft hasil edib. Bu barədə NQÇİ rəhbəri Fərhad Əsgərov rəsmi mətbuata müsahibəsində bildirib.
Ötən il ərzində "Bibiheybət" yatağından planlaşdırılan doqquz quyuya nisbətdə, ümumilikdə 13 yeni quyu qazılıb və istifadəyə verilib.
Əsgərov bildirib ki, hazırda NQÇİ - nin istismar fondunda 789 quyu var, onlardan 637 -i neft quyusudur. NQÇİ fondunda 162 quyu fəaliyyətsizdir, son vaxtlar bu quyularda onların fəaliyyətinin bərpa edilməsi məqsədilə işlər aparılır.
