...

Fevralda Azərbaycanda neft yatağının işlənməsi üzrə yeni müqavilə bağlanacaq

Energetika Materials 9 Fevral 2009 12:31

Trend-i buradan izləyin

Azərbaycan, Bakı, 09 fevral/ Trend , müxbir V.Şərifov/ SOCAR və Dubayın DB Petroleum şirkəti fevralda "Buzovna-Maştağa" quru yatağının işlənməsi və bərpası üzrə  PSA tipli müqavilə imzalamağı planlaşdırırlar. Bu barədə SOCAR-dan (Azərbaycan Dövlət Neft Şirkəti) bildiriblər.

"DB Petroleum ilə bağlanacaq müqavilə hazırdır. Şirkət ilə danışıqlar başa çatdırılıb.Yalnız sənədin imzalanması qalıb. İmzalanma ola bilsin ki, fevralda Bakıda reallaşacaq", - deyə SOCAR-dan bildiriblər.

Bir neçə il öncə Polish Oil and Gas Company (POGC) SOCAR ilə bu quru yatağının işlənməsi və bərpası üzrə PSA tipli müqavilənin bağlanma perspektivlərini imüzakirə edib.

Tərəflər bir neçə mərhələdən ibarət danışıqlar aparıblar, lakin danışıqlar müqavilənin imzalanması ilə nəticələnməyib.

Xəbər lenti

Xəbər lenti