Qazaxıstan, Astana, 25 fevral / Trend , müxbir K.Arınova / "Shell"in Qazaxıstan layihələrinə qoyduğu sərmayə 3 milyard dollar təşkil edir, - şirkətin Qazaxıstan şöbəsinin baş sədri Kempbell Keyr bildirib.
"Ölkədəki 17 illik fəalliyyətimiz nəticəsində Qazaxıstan layihələrinə "Shell" tərəfindən qoyulan sərmayənin ümümi həcmi 3 milyard dollar təşkil edib. Ötən il respublikada sosial sahədəki yatırımlarımız 7,2 milyon dollar təşkil edib. 2010-cu ildə sərmayəmizin 900 milyon dollar təşkil edəcəyi gözlənilir", - Keyr bildirib.
Nümayəndəliyin başçısı qeyd edib ki, şirkətin xarici investisiyaları üçün Qazaxıstan daha əlverişlidir.
"Bu gün bizim korporativ strategiyamız kəşfiyyatların, hasilatın və emalın böyük həcmdə olmasından ibarətdir. Buna görə də, investisiyalardan danışarkən, bu şüara əsasən gələcək vəsaitin böyük hissəsi Xəzər dənizi layihələrinin"Kaşaqan" və "İnci" layihələrinin həyata keçirilməsinə yönləndiriləcək", - Keyr əlavə edib.
Məqalə müəllifi ilə əlaqə ünvanı: [email protected]
