...

Hindistan şirkətləri Atırau qaz-kimya kompleksinin həyata keçirilməsi layihəsində iştirak etməyə dəvət olunublar - Hindistanın sənaye naziri

Energetika Materials 5 Mart 2009 12:41 (UTC +04:00)

Qazaxıstan, Astana, 05 mart / Trend , müxbir K.Arınova /

"Hindistan Qazaxıstan hökumətinin Atırau qaz-kimya kompleksinin həyata keçirilməsi layihəsində iştirak təklifini nəzərdən keçirəcək", - Trend -ın xüsusi müxbirinə Astanada iki günlük rəsmi səfərdə olan, bu ölkənin sənaye naziri Aşvani Kumar məlumat verib.

"Danışıqlar zamanı Qazaxıstan bizə bu layihənin səhmlərinin 25 faizini təklif etdi. Onun qiyməti təxminən 6 milyard dollardır. Bu ciddi layihədir və biz onu ətraflı müzakirə etməliyik", - Kumar deyib.

Hindistanlı nazirin sözlərinə görə, Atırau qaz-kimya kompleksinin tikintisi layihəsində bir neçə böyük Hindistan şirkəti iştirak edə bilər. Ancaq ilk növbədə üstünlük ONGC və Indian Oil kimi dövlət şirkətlərinə veriləcək.

"Hindistan şirkətlərinin bu layihədə iştirak məsələsi ilə bağlı son qərar Hindistanın neft və qaz nazirinin martın 12-də Astanaya gözlənilən səfəri zamanı qəbul ediləcək", - Kumar bildirib.

Əvvəl xəbər verildiyi kimi, qaz-kimya kompleksinin gücü ildə 800 min ton polietilen və 400 min ton polipropilendir. Layihənin qiyməti - 5,3 milyard dollardır. Onun 2013-cü ildə başa çatdırılması gözlənilir.

Layihənin səhmdarları - "KazMunayQaz hasilat və kəşfiyyat" (milli "KazMunayQaz" şirkətinin "törəmə"si) və Sat&Company özəl şirkətidir.

Bununla yanaşı, hindistanlı nazir məlumat verib ki, Qazaxıstan hökuməti hind şirkətlərini enerji layihələrində, o cümlədən Yekibastuz DRES-2-də (Qazaxıstanın şimalı) kömürdən alınan elektrik enerjisinin istehsalında iştirak etməyə dəvət edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti