Azərbaycan, Bakı, 10 mart / Trend , müxbir S.Babayeva /
Çərşənbə günü ASC-dən verilən məlumata görə, "Azneftkimyamaş" ASC yanvar-fevral ayları ərzində 4,7 mln. manat dəyərində neft təsərrüfatı, geoloji-kəşfiyyat avadanlıqları, onlara aid ləvazimat və ehtiyyat hissələri istehsal edib.
Bu dövr ərzində ASC-nin əsas müəssisələri olan Suraxanı maşınqayırma zavodu bir milyon manat həcmində, "Bakı fəhləsi" zavodu 662 min dollar dəyərində, Sabunçu NEZ 510 min dollar dəyərində, Bakı neft sənayesi maşınqayırma zavodu 716 min dollar həcmində və Səttarxan adına zavod 542 min dollar dəyərində məhsul istehsal ediblər.
"Azneftkimyamaş" ASC "Azneftkimyamash" dövlət şirkətinin nəzdində Azərbaycan Prezidentinin 2001-ci il 1 mart tarixli sərəncamına əsasən yaradılıb. ASC-nin tərkibinə 14 maşınqayırma, 4 elmi-tədqiqat və layihə konstruksiya institutları daxildir.
Məqalə müəllifi ilə əlaqə ünvanı: [email protected]
