Azərbaycan, Bakı, 16 mart / Trend /
Yanvar-fevral ayları ərzində Azərbaycanda neft və kondensat hasilatı 2008-ci ilin analoji dövr göstəricisindən 3,6 faiz az olmaqla 7,3 milyon ton təşkil edib. Bu barədə Azərbaycan Dövlət Statistika Komitəsindən bildirilib.
Son iki ayda ilk dəfə olaraq neft hasilatının böyük həcmi "Azəri-Çıraq-Günəşli" dəniz yatağı blokunda, 2008-ci ildəki hasilatdan 3,6 faiz az olmaqla altı milyon ton neft və qaz kondensatı hasil edən Azərbaycan Beynəlxalq Əməliyyat Şirkətinin payına düşüb.
Azərbaycanda yanvar-fevral ayları ərzində qaz hasilatı 2008-ci ilin göstəricisindən 1,1 faiz az olmaqla 3,8 milyard kubmetr təşkil edib. Azərbaycan Beynəlxalq Əməliyyat Şirkətinin qaz hasilatı ötən ilin analoji dövr göstəricisindən 34,1 faiz çox olmaqla iki milyard kubmetr qaz təşkil edib.
2009-cu ilin yanvar-fevral ayları ərzində Azərbaycanda elektrik enerjisi istehsalı ötən ilin elektrik enerjisi istehsalından 11,9 faiz az olmaqla təxminən 3,8 milyard kVt/saat təşkil edib.
