Azərbaycan, Bakı, 29 mart / Trend , müxbir А.Bədəlova /
Dünyanın ən böyük banklarından olan JPMorgan-ın proqnozlarına görə, 2009-cu ildə dünyada neftə olan tələbat sutkada 2,2 milyon barel azalaraq 83,5 milyon barelə enəcək. 2008-ci ildə bu rəqəm sutkada 85,7 milyon barel olub. Bir müddət əvvəl bank tələbatın sutkada 1,6 milyon barel azalacağını proqnozlaşdırmışdı.
2009-cu ildə neftə ən az tələbat ikinci rübdə - sutkada 82,6 milyon barel həcmində müşahidə olunacaq. Dördüncü rübdə tələbat sutkada 84,5 milyon barelə qədər artacaq.
2009-cu ildə neftə tələbatın ümumi həcmindən sutkada 46 milyon bareli OPEK ölkələrinin, 37,5 milyon bareli digər ölkələrin payına düşəcək.
Bankın analitiklərinin proqnozuna görə, 2009-cu ildə ümumi neft tədarükünün həcmi 3,2 milyon barel azalaraq sutkada 83 milyon barelə enəcək.
Bankın proqnozlarına görə, OPEK-in neft tədarükünün həcmi bu il sutkada 27,9 milyon barel təşkil edəcək ki, bu da 2008-ci ilin sutkalıq həcmindən 3,2 milyon barel azdır. OPEK-ə daxil olmayan ölkələrin neft tədarükünün həcmi 2009-cu ildə sutkada 48,1 milyon barel təşkil edəcək. 2008-ci ildə bu rəqəm sutkada 48,2 milyon barelə bərabər olub.
Məqalə müəllifi ilə əlaqə ünvanı: с[email protected]