Gürcüstan, Tbilisi, 20 aprel / Trend , müxbir N.Kirtsxaliya /
Gürcüstanın Baş naziri Nika Qilauri enerji məsələləri ilə bağlı Sofiyada keçiriləcək beynəlxalq konfransda iştirak etməyi planlaşdırır. Gürcüstan Dövlət Dəftərxanasından verilən məlumata əsasən, konfrans aprelin 22-də keçiriləcək.
Konfransda bir sıra Avropa İttifaqı ölkələrinin liderləri və Aİ tərəfdaşı olan ölkə rəsmiləri iştirak edəcək. İştirakçılar sırasında ABŞ, İran və Rusiya da olacaq.
Konfrans çərçivəsində Aİ ölkələrinin qaz təminatı marşrutları müzakirə ediləcək. Müzakirə ediləcək marşrutlar sırasında Gürcüstanın qoşulduğu "Nabucco" layihəsi də yer alıb.
Konfrans zamanı Qilauri bir sıra görüşlərin keçirilməsini planlaşdırıb.
Məqalə müəllifi ilə əlaqə ünvanı: [email protected]