Azərbaycan, Bakı, 27 aprel / Trend , müxbir Ü.İsmayılova, E.İsmayılov, A.Bədəlova /
"Şahdəniz" qazkondensat yatağının işlənmə layihəsinin ikinci mərhələsinin reallaşdırılma dəyəri müxtəlif qiymətləndirmələrə görə, təqribən 16-20 mlrd. dollar təşkil edir. Bu barədə bazar ertəsi Bakıda keçirilən III Xəzər neft-qaz ticarət-nəqliyyat konfransında Azərbaycanın sənaye və energetika naziri Natiq Əliyev bildirib.
"Sərmayədarlar dünya bazarlarında öz tədarüklərinin uzunmüddətli, etibarlı və sabit olmasına əmin olmalıdırlar", - deyə Əliyev vurğulayıb.
"Şahdəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, SOCAR - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.
Bu yataqda ümumi qaz ehtiyatı 1,2 trln. kubmetr həcmində qiymətləndirilir. Bu gün sutkalıq hasilat 22 mln. kubmetr təşkil edir. Lakin yaxın vaxtlarda hasilat yeni yataqların istismara verilməsi hesabına 27 mln. kubmetrə çatdırılacaq.
Yataqda qaz hasilatına 2006-cı ilin noyabrında başlanıb. Hazırda qaz Cənubi Qafqaz (Bakı-Tbilisi-Ərzrum) boru kəməri ilə Türkiyə və Gürcüstana nəql olunur. Azərbaycan da qaz alıcısı qismində çıxış edir.
Yatağın işlənməsi üzrə birinci mərhələ çərçivəsində ildə 9 mlrd. kubmetr qazın hasil edilməsi nəzərdə tutulub. Bu həcmlər Azərbaycan, Gürcüstan və Türkiyəyə satılacaq. Reallaşdırılmasına 2014-cü ildə başlanacaq ikinci mərhələ çərçivəsində yataqda ümumi hasilat 20 mlrd. kubmetrə çatdırılacaq.
Konfransın təşkilatçıları qismində Britaniyanın Confidence Energy şirkəti və Azərbaycan Dövlət Neft Akademiyası çıxış edir. İnformasiya dəstəyi Trend agentliyinə məxsusdur.
Məqalə müəllifi ilə əlaqə ünvanı: [email protected]
